ال DNAأو الحمض النووي الريبوزي منقوص الأكسجين يحتوي على جميع المعلومات الجينية و التى تقوم بوصف التطور البيولوجي للكائنات الحية و معظم الفيروسات... هذا هو التعريف ديالو +مجموعة من المعلومات الأخرى لي تقدرو تلقاوها اما هنا فالgروب فمواضيع ديجا تحطات عليه ولا فgoogle المهم ماشي شغلنا فالتعريف ديالو ☺️
مؤخرا وبالظبط ف2016 قدرات جامعة واشنطن أنها تخزن أول حزمة بيانات لي هي عبارة عن مقطع فيديو 1080P (الرابط ديالو فأول تعليق) والحجم ديالو 200mb فجزيئات DNA وتم الاسترجاع ديالو بنجاح, من بعد غادي يكتاشفو أن غرام واحد من DNA يمكن ليه يخزن تقريبا 215 بيتابايت أي ما يعادل 215 مليون جيغابايت من البيانات ههه يعني تخيل معايا الحجم ديالو مقارنة بالStorage media لي خدامين بيها حاليا 🤔
من المميزات ديالو أيضا أنه يقدر يحتافظ بالبيانات لي فيه لمدة طويلة بزاف ولي تقدر توصل لأكثر من (😅معرفتش بالتحديد المهم طويلة بزاااف على حساب ما قالو)
و بدا الاستخدام ديالو الفعلي من قبل مجموعة من الشركات من بينهم واحد الشركة سميتهاcarverr لي كتقدم ليك خدمة تخزين باسوورد المحفظة الخاصة بك ديال البتكوين في قريعة صغير ديال الDNA المصنع بدلا من الUSB ولا الهارد ديسك لي يمكن فأي لحظة يخسر ليك والثمن ديال هاد الخدمة هو 1000 دولار(رابط موقع الشركة فأول تعليق للي مهتم وعندو الحبة💵💰)
دابا السؤال هو كيفاش كيتم التخزين ديال ها المعلومات فجزيئة DNA
كيفما كنعرفو المعلومات الرقمية كاملين لي كنخدمو بيهم فالأصل عبارة عن أصفار و 1 أو ما يسمى بbinary system, بالنسبة لdna عندها واحد النظام مختلف تماما تيتكون من أربع أحرف لي هي "C.T.A.G " ولي هي اختصارات النوكليوتيدات لي كتشكل درجات سلم الحمض النووي, يعني ضروري خاصك شي نظام ديال التحويل باش تنقل البيانات من وحدة تخزين عادية للحمض النووي.
كيبقا مشكل واحد فهاد اللعيبة لي كيخليها ماشي عملية هو الوقت الطويل باش تنقل ليها البيانات ديالك وتم حصر الاستخدام ديالها حاليا فالمهمات لي كتتطلب وصول قليل للبيانات بحال أرشفت البيانات العلمية +استخدامات أخرى قليلة (مثال حفظ كلمة سر محفظة البتكوين لي قلنا لفوق)
مرحبا، اسمي معاذ بعلا مغربي الجنسية ومؤسس مدونة وقناة فايبك التقنية, اسعى الى مشاركة معارفي في المجال التقني من خلال القناة والمدونة من أجل نشر الفائدة وايصال المعلومة لأكبر شريحة من الناس
ليست هناك تعليقات:
إرسال تعليق